My Avenue | Romeo Mataac Jr

More Fun In Travelling

Ang Basura At Ang Taxi Driver

Kwento ng isang pasahero.

An MGE Toyota Corolla Taxi

An MGE Toyota Corolla Taxi

Habang nakasakay ako sa taxi, masaya kaming nagkukuwentuhan ng driver, nang may biglang tumawid sa aming dinadaanan. Hindi agad nakapreno ang driver, pero iniwasan niya ito para hindi mabangga ang tumawid at sa di inaasahang pagkakataon, may kasunod pala kami na mabilis ang takbo. Muntik na niya kaming mabangga. Salamat sa Diyos at walang nangyaring masama pero bumaba ang driver na muntik ng

bumangga sa amin at pinagmumura niya ang katabi kong driver. Ang ipinagtaka ko lang, hindi ko kinakitaan ng galit ang katabi kong driver, sa halip nakangiti pa rin ito at panay ang hingi ng paumanhin. Higit sa lahat yung taong tumawid na pinagmulan ng lahat ay tinanong pa ng katabi kong driver kung ok lang ba ito at sinabihan pa na mag-ingat ka sa pagtawid sa mahinahong salita at may ngiti sa labi. Nagpatuloy ang aming paglalakbay. Tinanong ko ang driver kung bakit hindi siya nagalit at kung bakit hindi niya pinatulan yung taong nagmura sa kanya.

Ito ang sagot niya. “Alam mo masyadong maikli ang buhay para lang ilaan natin ito sa lungkot at pighati. Dapat magpakasaya tayo, iyon naman ang gusto ng bawat isa sa atin ang maging masaya. Ang mga PROBLEMA, LUNGKOT, INGGIT, SAMA NG LOOB, HINANAKIT at GALIT ay para yang mga BASURA.

Dala-dala ng bawat isa sa atin ang mga basurang iyan at minsan itinatapon at inilalabas yan ng tao so kung minura man niya ako kanina, ibig sabihin itinapon lang niya mga basura sa akin, eh bakit ko naman iyon pupulutin? Hindi ko naman siya kailangang patulan. Ayokong mapuno ako ng basura at mabulok ang pagkatao ko. Dapat kasi pinupuno natin ang ating sarili ng mga magaganda at masasayang bagay. Hindi tayo dapat nag-iipon ng basura at lalo na huwag mong dadamputin ang mga basurang itinapon na ng iba. WOW! Napahanga ako doon. Isang paglalakbay na kinapulutan ko ng aral.

Aral:

Huwag mag-ipon ng basura at huwag dins damputin ang basura na itinapon na ng iba. Ang ipunin at damputin natin ay iyong mga bagay na alam nating mahalaga at makakapagbigay sa atin ng ligaya.

Author: Romeo Mataac, Jr.

Romeo A. Mataac, Jr. is a researcher in a leading global professional services company. He has five year background experience in finance & accounting operations and business process outsourcing. Myong, as he is fondly called by his friends, grew up in the town of Torrijos, province of Marinduque. He loves travelling and doing community outreach activities.

Comments are closed.